يل رحت بليل عني

يل رحت بليل عني وسافرت بسكوت



وكلت
باجر يعود وكلبي يتأمل



كلت مثلي يحبني وما يحمل فراك



عجيبة كليبك بفركاي يتحمل



عفتني لوحدي وبين شمات



وجرحي من الفراك اليوم وك انسل



تعال ونشف الدمعات بالعين



ولو ماظل دمع والدمع وشل



خطية الكلب يسأل عنك هواي



سأل
كلشي سأل المن بعد يسأل



تعنة لباب دارك يحجي وياي



يكلي
يروح مني شلون تقبل



تعال ارجع ولك شحت مايهة الكاع



وبعده صغير زرعي وهسة يذبل



طفلة آنة بيدك وامشي وين متروح



رحت
بعيد عني وكمت ما اندل



زاعلني الفرح من رحت يل محبوب



ويبدي
النوح عندي بوكت الغروب



نحت آنة على روحي من الصبح



لليل جن تكول مأتم عندي منصوب



ادورك وين وآنة الحيل خلصان



وصبرت عليك جن تكول ايوب



لعبة آنة اصبحت مابين بيبان



وخسرت
آنة يوسفة طلعت مغلوب



وتعال من السفر خايب ولك عود



وصار الجسم من بعدك ولك عود



سمعنا بخبر كايل ولك عود



من نموت انت تمر علية